Eustat
Definizioak
Gauzatze-sektoreak (I+G)
I+Gan, gauzatze-ak hau esaten digu: nork gauzatzen duen zientzi ikerketa edo teknika-garapena. Lau gauzatze-sektore dira:
Administrazioa: Frascatiren eskuliburuaren arabera, honako hauek sartzen dira sektore horretan:
1. Bestela hornitzen merkea eta erraza izango ez litzatekeen zerbitzu kolektiboak —oro har, dohainik— hornitzen dituzten ministerio, bulego eta bestelako erakunde guztiak, gainera kolektiboaren gai publikoak eta ekonomia- eta gizarte-politika administratzen dutenak. (Enpresa publikoak enpresa sektorean sartzen dira)
2. Batik bat Administrazioak finantzatutako MAGEPak (mozkina ateratzeko asmorik gabeko erakunde pribatuak).
Goi-mailako irakaskuntza: Frascatiren eskuliburuaren arabera, sektore horrek bere baitan hartzen ditu unibertsitate guztiak eta unibertsitate-mailako ikastetxe guztiak, edozein dela ere beren baliabideen etorkia eta beren nortasun juridikoa. Hor sartzen dira, era berean, goi-mailako irakaskuntzako ikastetxeek zuzenean kontrolatutako, administraturiko edo haiekin elkartutako ikerketa-erakunde, esperimentaziogune eta ospitale guztiak.
Enpresa: Frascatiren eskuliburuaren arabera, sektore horrek honako hauek barne hartzen ditu:
1. Merkatuko egoerari egokitzen zaion prezioan, jendeari oro har saltzeko diren ondasun eta zerbitzuen (goi-mailako irakaskuntzakoak izan ezik) merkataritza-produkzioa funtsezko jarduera duten enpresa eta erakunde guztiak.
2. Funtsean horrelako enpresen zerbitzura diharduten MAGEPak.
