Eustat

Zerbitzuen Karta

Zerbitzuen Karta 2013-2014. Lehenengo edizioa(pdf 5 MB)

Eustaten Zerbitzuen Karta betetzeari buruzko jakinarazpena. 2012 (pdf 44 Kb)

SARRERA

Eustat Erabateko Kalitatean oinarritutako kudeaketa eredu bat ari da ezartzen euskal gizarteak eskaintzen dituen produktuen eta zerbitzuen kalitatea hobetzeko asmoz; bada, eredu horren barruan sartzen da Zerbitzuen Karta honen aurkezpena.

Zerbitzuen Kartan Eustatek ematen dituen zerbitzuak deskribatzen dira, baina baita gurekin lotzen diren erabiltzaileen eskubideak eta kalitate handiagoko kudeaketa lortzeko hartzen ditugun konpromisoak ere.

Kudeaketa hori etengabe hobetzea da gure helburu nagusia. Horregatik, alderdi on eta txarrei buruz egiten dituzun iradokizun guztiak izango ditugu lagungarri gure zerbitzuak eskatutakora egokitzeko.

EUSTATEN HELBURUA

Eustat Euskal AEko administrazio erakunde autonomoa da eta euskal administrazio publikoei, gizarte eragileei eta gizarteari zuzendutako informazio estatistiko ofiziala garatu, ekoiztu eta zabaldu egiten du; informazio hori, kalitatezkoa eta objektiboa izateaz gainera zientifikoki egiaztatzen da. Era berean, Euskal Autonomia Erkidegoko estatistika-jarduna bultzatu, zuzendu eta koordinatzen du eta estatuko eta nazioarteko estatistika-esparruan laguntzen du.

Biztanleek eta erabiltzaileek zerbitzu horien gainean dituzten ESKUBIDE eta BETEBEHAR ZEHATZAK

Eskubideak

- Estatistika-informazioa eskatzen dutenean arreta eraginkorra jasotzea.

- Euskal AEko hizkuntza ofizial bietan jasotzea arreta.

- Eskatutako zerbitzuen kostuari buruzko informazioa jasotzea, horrela egin badaiteke.

- Egindako kexa, iradokizun eta erreklamazioak kontuan hartzea, zerbitzua hobetzeko erabiliz. Horretarako, erabiltzaileek erreklamazio-orriak eska ditzakete.

- Biztanleei beraiei buruzko datuak soilik estatistika-helburuetarako bildu eta erabiltzea; datu administratiboak direnean, alabaina, Datu Pertsonalak Babesteko Lege Organikoaren eskubideak eta printzipioak errespetatzea.

- Estatistika-jarduera, zehaztasuna zientifikoki bermatzen duten metodologien bidez egitea.

Betebeharrak

- Eskatzen direnean, egiazko datuak, datu zehatzak eta indarrean daudenak ematea.

- Zerbitzuen ordutegiak eta funtzionamendua errespetatzea, betiere langileek emandako oharrei jaramon eginez.

ZERBITZUAK, KONPROMISOAK ETA ADIERAZLEAK

Informazio zerbitzua eta web bidezko zabaltze zerbitzua

Eskaintzen den informazioa Euskal Estatistika Antolakundeak egindako estatistika-eragiketen esparrukoa da:

- Web zerbitzariak etengabe eguneratzen den informazioa eskaintzen du; informazio gehiena, gainera, Euskal Estatistika Planaren estatistika-eragiketen emaitzetatik ateratzen da.

- Eustaten webgunetik eskura daitekeen datu-bankuan Euskal Estatistika Planaren estatistika-eragiketei buruzko datu-serieak biltzen dira.

- “Kontsulta azkarren” zerbitzua, telefono, fax, posta arrunt edo mezu elektronikoen bidez.

- “Neurrira egindako” estatistika-informazioaren eskaerak.

1. konpromisoa	Adierazlea
- Eustatek konpromisotzat hartzen du eragiketen %80 webean zabalduko duela, Urteko Estatistika Programan adierazitako datak betez. - Eragiketa estatistikoen gainerako %20a gehienez 3 hilabeteko epean zabalduko da.	- Hedapen egutegiaren arabera zabaldutako eragiketa estatistikoen %. - Egutegiak ezartzen duen datatik gehienez ere 3 hilabetera hedatutako eragiketa estatistikoen %.
2. konpromisoa	Adierazleak
- Eustatek gehienez ere bi lanegunetan erantzungo dio jasotzen dituen “Kontsulta azkarren” %95i.	- Gehienez 2 lanegunetan erantzun diren “Kontsulta azkarren” %.
- “Kontsulta azkarren” gainerako %5ari gehienez ere 5 lanegunetan erantzungo die.	- Gehienez 5 lanegunetan erantzun diren “Kontsulta azkarren” %.
3. konpromisoa	Adierazleak
- Eustatek gehienez ere 10 lanegunetan erantzungo dio jasotzen dituen “Neurrira egindako” estatistika-informazioaren eskaeren %80ri, aurrekontua onartzen den egunetik hasita eta, betiere, datuak eskuragarri badaude.	- Gehienez 10 lanegunetan erantzun diren “Neurrira egindako” estatistika-informazioaren eskaeren %.
- Jasotzen diren “Neurrira egindako” estatistika informazioaren eskaeren gainerako %20ari gehienez ere 30 lanegunetan erantzungo die.	- Gehienez 30 lanegunetan erantzun diren “Neurrira egindako” estatistika-informazioaren eskaeren %.

Laguntza tekniko eta metodologikoa emateko zerbitzua

Eustatek, estatistikaren gaineko funtzio publikoa betetze aldera, kanpoko aholkularitza eskaintzen du estatistika ofizialak diseinatzeko, horien metodologia gauzatzeko, estatistikak ekoizteko eta gero hedatzeko. Bere jarduneko ikerketa eta garapenei lotutako gaietan ere laguntzen du, adibidez:

- Laginen aukeraketa eta diseinua.

- Estatistikako softwarea erabiltzeko laguntza.

- Datuen azterketa (faktore azterketak, etab.).

- Estatistiken metodologiari buruzko aholkularitza orokorra.

Konpromisoa	Adierazleak
- Eustatek konpromisotzat hartu du, ”laguntza tekniko eta metodologikoarekin” lotutako lanen %90 gehienez ere 20 lanegunetan egingo dela, betiere aurrekontua onartu den egunetik zenbatzen hasita eta horien gaineko informazioa eskuragarri badago.	- “Laguntza tekniko eta metodologikoari” lotuta dauden agindutako lanen artean gehienez ere 20 lanegunetan egindakoen %.
- Gainerako lanen %10a beranduen 30 lanegunetan egingo da, aurrekontua onartzen den egunetik zenbatzen hasita eta, betiere, informazioa eskuragarri badago.	- “Laguntza tekniko eta metodologikoari” lotuta dauden agindutako lanen artean gehienez ere 30 lanegunetan egindakoen %.
- Hau da Eustaten konpromisoa: Instituzio arteko akordioz eginarazitako lanen %100 adostutako epean egingo dira.	- Erakundeen arteko akordio baten arabera eginarazitako lanen artean epe barruan eskuratutakoen %.

Prestakuntza zerbitzua

Eustatek zenbait prestakuntza mota eskaintzen ditu: Euskal Herriko Unibertsitateko udako ikastaroa eta Nazioarteko Estatistika Mintegia.

1. konpromisoa	Adierazlea
- Eustatek urtean gutxienez Nazioarteko Estatistika Mintegiko ikastaro bat antolatuko du.	- Eustatek urtean antolatu duen Nazioarteko Estatistika Mintegiko ikastaro kopurua.
2. konpromisoa	Adierazlea
- Eustatek bi urtean behin gutxienez ekonomia eta gizarteari lotutako udako ikastaro bat antolatuko du.	- Bi urtean behin ekonomia eta gizarteari lotuta antolatu den udako ikastaro kopurua.

KONPROMISOAK BETETZEAREN HEDAPENA

Konpromiso hauek betetzeko jakinarazpena urtero egingo da, ondoko bideak erabilita:

• Webgunea (www.eustat.es).
• Paper-euskarrian Eustateko herrialde-bulegoetan.

LANKIDETZARAKO BIDEAK

Eustatek, bere kudeaketa etengabe hobetzeko asmoz, marketinaren inguruko estrategia bat garatu du. Estrategia horren barruan, erakundearen zerbitzuak erabiltzen dituzten pertsona eta erakundeen iritzia ezagutzeari eman nahi zaio lehentasuna.

Horretarako, Eustatek urtero “Erabiltzaileen gogobetetasunari buruzko inkesta” egiten die bere argitalpenak jasotzen dituzten erakunde eta abarretako arduradunei, prentsa-oharrak jasotzen dituzten komunikabideei eta informazioa edo produktu nahiz zerbitzuren bat eskatu duten erabiltzaileei.

Gogobetetasunari buruzko inkesten emaitzak Eustaten webgunean (www.eustat.es) kaleratzen dira, baita erabiltzaileei banatzen zaizkien liburuxken bidez ere.

Erabiltzaileen iritzia eta hobetu beharreko alderdiak ezagutzeko beste datu-iturri garrantzitsu batzuk kexak eta iradokizunak dira.

Kexen eta iradokizunen orria eskatu eta behar bezala bete ahal izango da; orri horretan adierazi ahal izango dituzte, gainera, Eustatek ematen dituen zerbitzuen ezaugarriei buruzko kexak edo iradokizunak. Kexak eta iradokizunak aurkezteko beste bide batzuk ere badaude:

• Webgunea:www.eustat.es
• Helbidea: Donostia-San Sebastian kalea, 1 - 01010 Vitoria-Gasteiz
• Faxa: 945-017501
• Telefonoa: 945-017517
• email: informacion@eustat.es

Konpromisoa	Adierazleak
- Eustatek gehienez ere 3 lanegunetan erantzungo die “kexen eta iradokizunen” %90i.	- Gehienez 3 lanegunetan erantzundako “ kexen eta iradokizunen” %.
- “Kexa eta iradokizunen” gainerako %10ari, gehienez 10 laneguneko epean erantzungo zaio.	- Gehienez 10 lanegunetan erantzundako “ kexen eta iradokizunen” %.

APLIKATU BEHARREKO ARAUDIA

Euskal Autonomia Erkidegoko estatistikari buruzko oinarrizko legeria

• 4/1986 LEGEA, apirilaren 23koa, Euskal Autonomia Erkidegoko estatistikari buruzkoa.
  (EHAA, 105. zk., 1986ko maiatzaren 30ekoa). Ondokoak aldatu zuen:
• 4/2002 LEGEA, martxoaren 27koa, Euskal Autonomia Erkidegoko estatistikari buruzko Legea aldatu duena.
  (EHAA, 70. zk., 2002ko apirilaren 15ekoa).
• 82/2005 DEKRETUA, apirilaren 12koa, estatistika-eragiketen proiektu teknikoak onartu ahal izateko prozedura arautzen duena eta proiektu teknikoen eta estatistika-eragiketen galdeketen erregistroa sortzen duena.
  (EHAA, 78. zk., 2005eko apirilaren 26koa).
• 234/1986 DEKRETUA, azaroaren 4koa, Euskal Estatistika Batzordeko Barnefuntzionamenduaren araudia onartu duena.
  (EHAA, 222. zk., 1986ko azaroaren 13koa).
• AKORDIOA, 1987ko uztailaren 9koa, Euskal Estatistika Kontseiluarena, bere Barne-Araudia onartu duena.
  (EHAA, 18. zk., 1988ko urtarrilaren 28koa).

Euskal Autonomia Erkidegoko estatistikari buruzko plangintza

• 4/2010 LEGEA, urriaren 21ekoa, 2010-2012 aldirako Euskal Estatistika Planarena. (EHAA 213 zk.-2010eko azariak 5).
  
• 78/2012 DEKRETUA, maiatzaren 22koa, 2012. urteko estatistika-egitaraua onartzen duena. (EHAA 105 zk.-2012ko maiatzak 30)
  

Eustat

• 251/1986 DEKRETUA, azaroaren 25ekoa, Euskal Estatistika Erakundeko jarduerei hasiera eman diena.
  (EHAA, 236. zk., 1986ko azaroaren 29koa).
• 12/2000 DEKRETUA, urtarrilaren 25ekoa, Euskal Estatistika Erakundearen egitura organikoa ezarri duena.
  (EHAA, 19. zk., 2000ko urtarrilaren 28koa).
• Urteroko AGINDUA, Ekonomia eta Ogasuneko sailburuarena, Euskal Estatistika Erakundea/Instituto Vasco de Estadística (EUSTAT) administrazio-erakunde autonomoak eskaintzen dituen argitalpenen eta zerbitzuen prezio publikoak finkatzen dituena.

Estatistika-organo bereziak

• 180/1993 DEKRETUA, ekainaren 22koa, Jaurlaritzako sailen estatistika-organoak arautu dituena.
  (EHAA, 136. zk., 1993ko uztailaren 20koa).

Beste batzuk

• 15/1999 LEGE ORGANIKOA, datu pertsonalak babesteari buruzkoa.
• 30/2007 LEGEA, sektore publikoko kontratuei buruzkoa.
• 93200 UNE NORMA, 2008ko apirilekoa Zerbitzuen Karten inguruan.

ORDUTEGIAK, BALIABIDEAK ETA ARRETA JASOTZEKO TOKIAK

Informazio zerbitzua

• EUSTATen egoitza nagusia (Vitoria-Gasteiz)
• Donostia-San Sebastián, 1
• 01010 Vitoria-Gasteiz
• Tel.: 945-017517
• Faxa: 945-017501
• e-mail: informacion@eustat.es
• Bilboko Lurralde Bulegoa
  • Máximo Aguirre, 18-Bis, 3ª Planta
  • 48011 Bilbao
  • Tel.: 94-4031375
  • Faxa: 94-4031378
  • e-mail: informacion@eustat.es
• Donostiako Lurralde Bulegoa
  • Okendo, 16-3ª Planta
  • 20004 Donostia-San Sebastián
  • Tel.: 943-420265
  • Faxa: 943-428151
  • e-mail: informacion@eustat.es

Jendeari arreta emateko ordutegia

• 8:30-14:00

Estatistika-informazioaren neurrirako eskaerak

• Tel.: 945-017512
• Faxa: 945-017501
• e-mail: peticiones@eustat.es

Metodologiari buruzko aholkularitza zerbitzua

• Tel.: 945-017547
• Faxa: 945-017501
• e-mail: peticiones@eustat.es

Kartaren ardura duen unitatearen helbidea

• Koordinazio Teknikoko eta Zabalkundeko Zuzendariordetza
• e-mail: informacion@eustat.es
• Tel.: 945-017517
• Faxa: 945-017501

VITORIA-GASTEIZKO EUSTATEN EGOITZA NAGUSIA AURKITZEKO PLANOA



BILBOKO EUSTATEN EGOITZA AURKITZEKO PLANOA



DONOSTIAKO EUSTATEN EGOITZA AURKITZEKO PLANOA